امثال شعبيه

ان الامثال الشعبية هي نتيجة تجارب وخبرات عميقة لاجيال ماضبة فتناقلها الناس, تعد الامثال الشعبية حكمة الشعوب وينبوعها الذي لا ينضب خصوصا عندما نستخلص الامثال ذات الحكم والنصائح الايجابية وهي بمثابة وثيقة تاريخية واجتماعية . ومن بعض الامثال : ( ربما ستجدون اللائحة طويلة وهي اطول من ذلك ايضا )


• إبنك هوي وصغير ربيه ولما بيكبر خاويه
• إحترنا يا قرعة منين بدنا نبوسك
• أخطب لبنتك قبل ما تخطب لأبنك
• إذا بدّك تخرب بلاد، ادْعي عليها بكتر الرؤسا
• إذا ما بكي الطفل إمو ما بترضعو
• أكثر من قرد ما مسخو الله
• الأب جلاّب والأم دولاب
• الأقارب عقارب
• الأم بتلّم
• الإنسان مثل الشجرة بينكسى وبيعرا
• البحصة بتسند خابية
• البدوي إذا غسّلتو بيموت
• البعد جفا والقرب وفا
• البنت المليحة خير من الصبي الفضيحة
• البومة لو فيها خير ما فاتها الصيّاد
• التدبير نص المعيشة
• التعلم في الصغر كالنقش على الحجر

• التكرار بيعلّم الشطّار
• الجار قبل الدار
• الجنة من دون ناس … ما بتنداس
• الحيط الواطي كل واحد بينط عنه
• الحجر الثقيل ما بينهزّ من مطرحه
• الحركة فيها بركة
• الحكي ما مثل الشوف
• الداخل بالسياسة مثل الداخل بتنكة الكناسة
• الدم ما بيصر مي
• الديك بيموت وعينو بالمزبلة
• كل ديك على مزبلتو صيَّاح
• الذي بيته من قزاز ما يراشق الناس بالحجار
• الذي لا يعرفك بيجهلك
• التي بياكل العصي مش متل اللي بيعدها
• الذي يصبر على حلوها يصبر على مرها
• الذي يلعب مع القط بدو يتحمل خراميشه
• الرجّال رحمة ولو كان فحمة وإذا كان عرّاضه
• الرجّال ولو كان فحمة، وجوده بالبيت رحمة
• الرزق إلي ما ببلدك لا إلك ولا لولدك
• الروحة بالأيد أما الرجعة مش بالأيد
• السكافي حافي ، والحايك عريان
• السياسة ما إلها دين
• الشرط سيد الأحكام
• الصبر مفتاح الفرج
• الصدفة من غير ميعاد
• الطمع ضر ما نفع
• العين بصيرة واليد قصيرة
• العين ما بتقاوم مخرز
• الغايب عزرو معو
• الفزع بيطيّر الوجع
• القلوب عند بعضها
• الكلام اللين بيخرج الحية من وكرها
• الكلب ع باب صاحبة نبّاح
• الله يلعن هالزمان اللي خلط القمح بالزوان
• اللي بياكل من زوادة غيرو ما بيشبع
• اللي ما بدوا يزوج بنته بيعلي مهرها
• الليل ستار العيوب
• الليل واحد والحرامية ألف
• المعاتبة صابون القلوب
• المكتوب ما منه مهرب
• المَيّ والنار ولا حماتي في الدار
• الناس بالناس والقطة بالنفاس
• الناس ما بتستغني عن بعضها
• النبي وصّى على سابع جار
• الهريبة ثلثي المراجل
• الأيد الواحدة ما بتصفق
• آخذ وج … ومكتّر
• آذار الهدّار …. خبي فحماتك الكبار لآذار
• آكل شارب نايم
• هوم هيم هوم أكل وشرب ونوم
• أبو البنات مرزوق
• أحلى على قلبي من العسل
• أرخص من الفجل
• البيت إلى ما في ولاد صغار ما في نور
• أقعد أعوج وأحكي جالس
• أكل الهوا للواطي دوا
• ألف كلمة جبان ولا كلمة الله يرحمه
• أم عشرة مدبرة وأم واحد محيرة
• أنا أمير وإنت أمير ومين بيسوق الحمير
• أنضف من الصحن الصيني
• أنيس وجليس
• أيدها بالطبق وعينها على مين زعق
• إرمي عكا وأرواد ولا تأخذي رجال عنده ولاد
• إبن الحلال عند ذكره بيبان
• إجا زبون العوافي
• إجريها عوج وبدها بابوج
• إذا حلق جارك بل ذقنك