شعر حلو مرة

من سمع صوت الفجر .. أو طال بيديه النجوم
منهو اللي عانق القمره تخاوى مع الغيوم


من شرب من بحر مالح من لعب ويَا الرياح
منهو اللي باس خد الشمس والعالم وجوم


من خطب ورد الجناين من بساتين الغرام
من سهر دمعه سكايب عايشٍ بين الهموم


منهو اللي بالشجاعه مثل ابو زيد ويزود
القوي ربي وهذا قوته عشرة قروَم


منهو اللي لا طلبته بالعطايا لك كريم
بالكرم حاتم ولكن .. خافي الواقع علوم


من سهر ليله يعاني سلوته دمع العيون
سامر الليل يتسائل من يلوم ومن يلوم


منهو اللي في مديحه جاب شيٍ مستحيل
طامع بجزل العطايا .. والعطايا ما تدوم


كل ما قلته خيال .. الشاعر اللي لـه بدا
يبتديبه ينتهيبه بظرف ساعه .. بظرف يوم


نوَخ القاف بقصيده جاب شيٍ ما يجاب
الحروف الأبجديه عدها مثل النجوم


منهو اللي .. منهو اللي .. علموني منهو اللي
ما بقى فعل بحياته .. ماهو بفعله جزوم


شفتوا أن الشاعر أكذب من كذب في هالزمان
شفتوا ان شعره خيالي طير في جوَه يحوم