الطعنه اللي من وراء الظهر تنهيك

الطعنه الي من ورى الظهر تنهيك


بعض البشر لامن حشمته طمع فيك

وبعض البشر لامن جفيته يودك

وبعض البشر يتعب على شان يرضيك

واغلى من اخوانه بقلبه يعدك

وياصاحبي هالحين بانت خوافيك

علقتي مابين مزحك وجدك

وش جاك مني ياعشيري وانا اخيك

قبل امس انا صاحبك واليوم ندك

لاضاق صدري من عنا وقتنا اجيك

واشوف دمعات الغلا فوق خدك

والحين تظلمني وانا منك وفيك

بكل احترام اقول ياخوي حدك

ثمن كلامك ياعسى الله يهديك

لاصار ماي الوجه يعجز يردك

ثوب الردى ياصاحبي مايقديك

الثوب لاثوبك ولا القد قدك

انا اول انسانٍ اذا ضقت يبجيك

حتى ولا اذكر يوم وقفت ضدك

اليا انجرح قلبك واجيلك واداويك

بس اذبحن هالقلب طعنات يدك

ماتذكر اني بالوفا كنت اجازيك

وانته تجازيني بظلمك وصدك

لكن خلااص اليوم والله مابيك

النفس طابت سو ماهوبودك

الطعنه الي من ورى الظهر تنهيك

وشلون لاجاتك من الي يودك

لاواااهنيي يوم انا اموت بيديك

ذابح وتبكي من ذبحته بيدك


وسلامـــــــــــــتكم




م/ن